Characters:
• Ustaad (Maalik): Authoritative, loud, carrying a Dafli or a stick.
• Jamura: High energy, funny, agile, the “voice of the people.”
• Chorus (The Team): For background rhythm and slogans.
[OPENING: THE CALL]
(The team runs in, circling the performance area.)
All: (Clapping in a 1-2-1-2 rhythm)
“Aao aao saare aao, bacche aao budhe aao!” “Behna aao bhaiya aao, khel tamasha dekho bhaiya!” “Khel tamasha dekho!”
(The team freezes in a pose. Ustaad stands in the center; Jamura sits at his feet.)
Ustaad: “Jamure! Inko khel dikhlayega?” Jamura: “Dikhayega ustaad!” Ustaad: “Inka dil behlayega?” Jamura: “Behlayega ustaad!” Ustaad: “Gana gayega?” Jamura: “Gayega ustaad!” Ustaad: “Toh bol mere saath—Kachcha Papad, Pakka Papad!“
Jamura: (Stops dead, mouth shut tight. He shakes his head ‘No’.)
Ustaad: “Arre bolta kyun nahi? Bol—Kachcha Papad, Pakka Papad! Kachcha Papad, Pakka Papad!”
Jamura: (Starts acting like something is stuck in his throat. He coughs, he chokes, he pretends to pull a long invisible string out of his mouth.) “Oof! Nikal gayi ustaad! Ab apun theek hai.”
Ustaad: “Ajeeb aadmi ho! Chal ab bol—Kachcha Papad, Pakka Papad!”
Jamura: (Dancings wildly) “GEELA KACHRA, SOOKHA KACHRA! GEELA KACHRA, SOOKHA KACHRA!”
[SCENE 1: THE REVELATION]
Ustaad: “Abey Jamure! Ye kya bak raha hai? Pagal ho gaya hai kya?”
Jamura: “Bak nahi raha ustaad! Yahi baat toh kabse mere andar dabi padi thi. Mera dum ghut raha tha!” (Starts chanting again) “GeelaKachra, Sookha Kachra! Geela Kachra, Sookha Kachra!”
Ustaad: “Arre ye geela-sookha kya laga rakha hai? Pehle ye bata ki ye hai kya?”
Jamura: “Ustaad, apni janta smart hai, sab jaanti hai! Kooda hamesha kudedaan mein hi daalti hai… kyun bhai log? Sahi kaha na?” (Points to the audience for a ‘Yes’)
Ustaad: “Haan bhai, kooda toh kudedaan mein hi jayega na!”
Jamura: “Rukiye ustaad! Wahi toh galti hai! Ab ek nahi, DO kudedaan hain! Neele aur Hare ka rakhein dhyaan, ab ek nahi do hainkudedaan!“
[SCENE 2: THE BIN LOGIC]
Ustaad: “Abey Jamure, do kudedaan kiske liye? Ek se kaam nahi chalta kya?”
Jamura: “Nahi ustaad! Jab hum sab kachra ek saath mila dete hain, toh wo ‘Zahar’ ban jata hai. Uska koi fayda nahi hota. Par agar alagrakhein… toh wo ‘Khazaana’ hai!”
Ustaad: “Kachre se khazaana? Kaise?”
Jamura: “Suniye ustaad! HARA Dabba (Green Bin)… isme jayega GEELA KACHRA. Jaise: bacha hua khana, sabziyon ke chilke, phalon ke chilke, ande ke chilke, machli ke kaante aur ped-paudhon ke patte!”
Ustaad: “Achha! Aur NEELA Dabba (Blue Bin)… usme kya jayega?”
Jamura: “Sookha kachra ustaad! Jaise: raddi, kagaz, gatta (cardboard), loha, purane kapde, plastic, chamda aur polythene! Inhe daalo Neeledabbe mein!”
[SCENE 3: THE BENEFIT]
Ustaad: “Lekin jamure, itni mehnat kyun karein? Alag-alag karke kya milega?”
Jamura: “Ustaad! Hare kudedaan wale kachre se banegi KHAAD (Compost), jo khet mein sona ugayegi! Aur Neele kudedaan walakachra jayega Recycle Factory, jahan usse phir se nayi cheezein banengi! Jab saara kachra upyog mein aayega, toh shahar apne aap ‘KachraMukt’ ho jayega!”
Ustaad: “Arre waah Jamure! Tune toh laakh take ki baat bata di! Toh aaj se hum kachra milayenge nahi…”
Jamura: “Bilkul nahi! Aur ghar-ghar kachra lene wale ‘Safai Mitron‘ ko bhi kachra alag-alag hi denge!”
[FINALE: THE PLEDGE]
Ustaad: “Toh bhai log, sahi kaha na? Ab mere saath sab milkar bolo!”
All: (Clapping and chanting with high energy)
“Neele-Hare ka rakhein dhyaan… ab ek nahi do hain kudedaan!” (Clap-Clap) “Geela kachra Hare mein… Sookha kachra Neelemein!” (Clap-Clap) “Shahar ko swachh banayenge… No. 1 hum aayenge!” (Clap-Clap)
Ustaad: “Swachh Bharat!” All: “MAHAN BHARAT!”
Jamura: (Winking at the audience) “Aur yaad rakhna… Kachcha Papad, Pakka Papad nahi… GEELA KACHRA, SOOKHA KACHRA!“
(Fast drum beat. All actors bow and exit.)