Characters:
1. CHUNNI LAL: Ek aalsi aur ghamandi nagrik (A lazy and arrogant citizen).
2. PAPPU: Ek samajhdar, chaukanna nagrik (A wise, alert citizen).
3. KAVITA DIDI: Hamari Safai Mitra (Our Sanitation Worker).
4. NAARAD MUNI: (Optional) Ek narrator/sutradhar, jo hansi-mazaak se baat karta hai.
Scene 1:
(Stage par kuch kachra aur ek kachre ka dibba rakh dein. CHUNNI LAL subah-subahapne ghar se nikalta hai, haath mein chai ka cup aur ek plastic ka lifafa (bag) hai.)
NAARAD MUNI:
Taali bajao! Swagat karo! Aam aadmi ki khaas misaal! Yeh hain… humare mohalle ke‘Safai Mantri‘, Shri Chunnu Lal! Inki soch hai ‘Swachh Bharat’ nahi, ‘Swachh SirfMera Ghar‘! Pura shehar bhale hi ho jaaye beemar, inko nahi koi fikar! Dekho dekho! Subah ki shuruaat, kachre ke saath!
(CHUNNI LAL chai kea disposal cup sadak par phenkta hai aur plastic bag ko thodaaage jaakar, bin ke bagal mein daal deta hai.)
CHUNNI LAL:
“Ab ye kahan phekoon , waise bhi ye Kaam in safai walon ka hai. Hum kyu sardrd lein ?”
(PAPPU wahin se guzar raha hai aur yeh dekhta hai.)
PAPPU: (Daantte hue)
“Arre sahib ! Yeh kya kar rahe ho? Kachre ka Bin (dustbin) itna paas hai, phir bhi zameenpar kachra? Shame on you!”
CHUNNI LAL: (Haste hue, haath hilata hai)
“Oho, Pappu! Chill karo! Yeh sab to Safai Mitra log utha lenge. Unhe iski hi to salary miltihai. Agar ye kachra nahi failega toh wo saaf kya krengy ?”
PAPPU:
“Aise kyu bolte ho ? Woh hamare liye hi safai karte hain, taaki hum beemari se bachein. Unka kaam kachra uthana nahi, kachre ko sahi jagah pahunchana hai!
(KAVITA DIDI, Safai Mitra, wahan aati hai. Unhone masks nahi pehna hai aur gloves bhi fatey hue hain. Woh jhadu lagana shuru karti hain.)
CHUNNI LAL: (Kavita Didi ko dekhkar, naak band karke)
“Arre Didi, thoda jaldi karo na! Badbu aa rahi hai. Ek toh aap logon ki wajah se subah-subah mood kharab ho jaata hai.”
KAVITA DIDI: (Dheere se, thoda dukhi)
“Bhaiya, maaf karna. Hum to mehnat hi kar rahe hain. Par jab aap log dustbin tak aakarkachra nahi daalte, toh humein sab haath se uthana padta hai.”
Scene 2:
(NAARAD MUNI aage aate hain aur taali bajate hain.)
NAARAD MUNI:
“Ab suno kahani ka twist! Chunni Lal ki badtamizi ke baad, Kavita Didi ne do din ki chutti hile li. Ab dekho kya haal hota hai!”
(Scene 2 din aage badhta hai. Wahi jagah kachre se bhar chuki hai. Badboo aa rahi hai. Makkhiyan (flies) hain. CHUNNI LAL dobara wahan aata hai.)
CHUNNI LAL: (Naak dabakar, gusse mein)
“Chee! Chee! Yeh kya haal bana rakha hai! Corporation wale so rahe hain kya? Koi kachrauthane kyu nahi aaya? Ab badboo se toh mere ghar mein ghusna mushkil ho gaya hai!”
PAPPU: (Haste hue, jo abhi bhi saaf jagah par khada hai)
“Kyu Chunni Lal? Ab kyu naak dabana pad raha hai? Kahan gaye tumhare Safai Mitra? Do din woh kya gaye, tumhari puri colony ‘Safai Mitra‘ ki ehemiyat samajh gayi!”
CHUNNI LAL: (Pareshan hokar)
“Haan yaar, Pappu. Sahi keh raha hai. Do din mein hi haalat kharab ho gayi hai. Hum tohsochte the, yeh kitna aasan kaam hai. Par yeh kachra, yeh badboo… Bahut mushkil horha haiyaar!”
PAPPU:
“Mushkil nahi, Samman Ka Kaam hai! Woh apni jaan jokhim mein daal kar kaam kartehain. Dengue se, typhoid se, chemical se ladte hain. Aur hum unhe ‘badbu wala tag ‘ de detehain. Humein toh sharam aani chahiye!”
Scene 3:
(KAVITA DIDI wapas aati hain. Iss baar unke paas naye PPE (Personal Protective Equipment) hain: naye gloves, naya mask. PAPPU aur CHUNNI LAL unke paas jaatehain.)
CHUNNI LAL: (Haath jodkar)
“Kavita Didi! Hamein maaf kar dijiye. Hum kitne galat the. Humne kabhi aapki mehnat aurkhatre ko nahi samjha. Aap humare shehar ke real superheroes ho!”
PAPPU: (Community ko address karte hue)
“Dekhiye Didi! Aaj se hum sab wada karte hain:
1. Kachra Bin mein hi daalenge.
2. Kabhi aapke kaam ko chota nahi samjhenge.
3. Aur sabse zaroori: Hum aapka pura Samman karenge!”
(CHUNNI LAL, PAPPU, aur baki actors Kavita Didi ko taali bajakar Samman detehain.)
KAVITA DIDI: (Khush hokar)
“Shukriya Bhaiya. Hum toh bas itna chahte hain ki aap log safai rakhein aur humein thodasamman dein. Hum bhi insaan hain.”
(Sab log aage aate hain aur zor se Nara (Slogan) lagate hain.)
SAB EK SAATH (All Together):
Safai Mitra ki karo hamesha Kadar!
Tabhi banega yeh Shehar Sunder!
Respect Safai Mitra! Respect Cleanliness!
PAPPU (Final Call to Action):
“Agar aapko yeh natak accha laga, toh aaj se Safai Mitron ko dekhkar ‘Shukriya‘ zarurboliyega!”
(The Play Ends.)