Characters: Sutradhaar (Narrator)
• Nikita & Maa (Fast Fashion segment)
• Vegetable Seller & Babu Ji (Plastic segment)
• Chorus/All (For slogans and songs)
[OPENING]
(The team enters in a circle, clapping loudly with a fast drum beat: Dhin-Tak! Dhin-Tak!)
All: “Aao Aao Natak dekho! Sachaai ka aaina dekho! Natak dekho! Natak dekho!”
Character 1: “Aaj hum is natak ke zariye aap sabke saamne ek kadwi sachai rakhne ja rahehain!”
All: “Sachai? Kaisi sachai bhai?”
Character 2: “Sachai mere badalte Bharat ki! Sachai hamari laaparwahi ki!”
All: (Singing mournfully) “Dekh tere sansaar ki haalat kya ho gayi bhagwan… chaaronore kooda hi kooda saja rha insaan!”
[SCENE 1]
(Nikita enters looking through a pile of clothes, frustrated. Maa is standing nearby.)
Nikita: “Maa! Maa! Mujhe kal college jana hai, par mere paas toh pehnne ko kapde hi nahihain!”
Maa: “Kya? Abhi toh pichle mahine hi teen nayi dresess dilayi thi!”
Nikita: “Arre Maa! Wo sab purane ho gaye ab. Unko dobara pehnungi toh meri friends kyakahengi? Repeat thodi na karungi!”
Maa: “Haye bhagwan ! Chal koi nahi, kal aur nayi le lenge.”
Character 2: (To the audience) “Dekha? Ye hai meri, aapki aur hum sabki sachai! Saamanikkattha karna hamara shauk hai, aur usey kooda samajh kar phenkna… hamara janam-siddhadhikaar!”
Character 3: “Hum kooda dil khol kar phenkte hain! Nadi ho ya nalla, kachre se bhar detehain kona!”
Character 4: “Nadiyon-naalon ko bana diya hai kachre ki dhara… phir garv se kehte hain—MERA BHARAT MAHAN!“
[SCENE 2]
(Vegetable seller enters with a basket.)
Sellar: “Sabji lelo sabji! Aaloo lo, gajar lo, bhindi lo matar lo… par dhaniye ka moh mat paalo!”
All: “Mat paalo! Mat paalo!”
Character 1 (Babu Ji): “Bhaiya, tamatar kaise diye?”
Sellar: “120 rupay kilo, babu ji!”
Character 1: (Shocked) “Kya? 120 ka kilo? Loot macha rakhi hai! Khair, laao ek kilo dedo.”
Sellar: “Theek hai… laaiye babu ji, apna jhola/thela nikaaliye.”
Character 1: “Thela? Wo toh main nahi laya. Plastic ki thaili mein dedo na!”
All: (Singing to the tune of ‘Gaddi Leke’)
“Main nikla o gaddi leke… o raste pe, o sadak par ek mod aaya… main thela wahinchhod aaya!” “Main thela wahin chhod aaya!”
Character 1: “Pehle toh itni mehangi sabji khareedo, upar se maharaj ko thela bhi do! Chalo, jaldi polythene nikaalo.”
Sellar: “Humein aisa-waisa na samjho babu ji! Yadi humne di polythene, toh peetegi humeinpolice aur lagega bhari jurmana!”
All: (Pointing to the audience) “Ye dekho logon! Pradushan! Pradushan! Pradushan! Polythene se hai sirf… PRADUSHAN!”
[SCENE 3]
Character 4: “Polythene hai agar amar, rehti dharti par saalon saal! Dharti karti haa-haa-kaar, ab toh karo kuch upkaar!”
Character 5: “Hum chahein toh kya nahi kar sakte? Bas milkar ek kadam uthana hoga. Kya hum ye kar sakte hain?”
All: (Roaring) “Haan haan, hum ye kar sakte hain!”
[SCENE 4]
Character 6: “Shuruwat karte hain kapdon se! Suno ‘Papa ki Pariyon’, thoda is par dhyaanlagao. Apni almari saaf karo! Agar kapda chota ho gaya hai ya pasand badal gayi hai, tohusey kachre mein mat phenko—kisi zarooratmand ko DAAN do!”
Character 5: “Khareedte waqt Quality dekho, Quantity nahi! Vastron ka rakh-rakhaav karoaur purane ko Recycle karo!”
Character 3: “Synthetic kapdon ki jagah Linen aur Cotton ka istemal karein. Paryavaran par gande asar ko kam karein!”
Character 1: “Plastic ki jagah steel ka istemal karein. Bahar jayein toh apni pani ki bottle saath rakhein. Paise bhi bachenge aur prakriti bhi!”
All: “Haan! Hum ye zaroor karenge!”
Sutradhaar: “Aur suno! Rasoi ke kachre ko kachra mat samjho, usse ghar mein khaad(compost) banao aur apne paudhon ko jeevan do!”
(All actors stand in a line, hands on their hearts.)
All Together: “Toh sahebaan, meherbaan, kadardaan! Karenge saare achhe kaam, banayeinSwachh Bharat Mahan! Chalayenge Swachh Bharat Abhiyaan! REUSE! REDUCE! RECYCLE! Karenge… karenge… karenge!”
All: (Singing with high energy)
“Mere desh ki dharti sona ugle… ugle heere moti… mere desh ki dharti!” “SWACHH BHARAT! SWASTH BHARAT! JAI HIND!”