Characters:

• Ustaad: Jo sabko control karta hai.

• Jamura: Chalaak aur mazakiya .

• Babu Bhaiya: Ek careless citizen jo har jagah kachra phenkta hai.

• Safai Mitra: Jo shanti se kaam karta hai.

• Chorus: Poori team jo background music aur slogans degi.

[OPENING: THE ENERGY]

(Team bhagte huye aati hai, clap aur drum beat ke saath)

All: (Rhythm: 1-2, 1-2-3) “Aao aao natak dekho, sachai ka aaina dekho!” “Safai Mitraka saath nibhao, shehar ko swachh banate jao!”

Ustaad: “Jamure! Inko bata, aaj hum kiski baat karne aaye hain?” Jamura: “Ustaad! Aajhum unki baat karenge jo subah 4 baje uthte hain, taaki jab ye log uthein, toh inko sheharchamakta hua mile!” Ustaad: “Kaun hain wo?” Jamura: “Hamare Safai Mitra!”

[SCENE 1:]

(Babu Bhaiya enters, acting like a king. Wo kela kha raha hai aur chilka road pe phenk detahai. Phir juice peeta hai aur box bhi phenk deta hai.)

Jamura: ( Siti bajata hai — Fweeeet!) “Arre Babu Bhaiya! Ye kya ‘Kachre ki baarish ‘ karrahe ho? Dustbin wo toh rha!”

Babu Bhaiya: “Arre hat chote! Main kyun dustbin dhundhu? Maine tax diya hai! Wo Safaiwala aayega na, wo uthayega. Uska hi toh kaam hai!”

Ustaad: (Gusse mein) “Ruko! Pehle toh ye galat-femi door karo. Wo ‘Safai wala’ nahi hai, wo Safai Mitra hai. Safai wala toh wo hota hai jo safai pasand kare… Asli ‘Gandagi wale’ tohtum ho jo kachra phelate ho!”

All: (Pointing at Babu Bhaiya) “Sahi pakde hain! Gandagi wale Babu Bhaiya!”

[SCENE 2]

Jamura: “Babu Bhaiya, kabhi socha hai? Thandi ho, garmi ho ya baarish… Safai Mitra rozaata hai. Tum ghar mein kambal taan ke sote ho, aur wo tumhara phelaya kachra saaf kartahai.”

Babu Bhaiya: “Toh kya hua? Paisa milta hai na unko!”

Safai Mitra: (Steps forward, very humble) “Babu ji, paisa toh mehnat ka milta hai… par thodi izzat aur thoda saath mil jaye toh himmat badh jati hai. Agar aap kachra kudedaan meinphenkein, toh mera kaam aadha ho jayega. Main galiyon ko saaf karne ke bajaye, unhechamkane mein waqt laga paunga!”

Jamura: “Samjhe Babu Bhaiya? Unka kaam tumhara kachra ‘Uthana’ nahi, shehar ko ‘Saafrakhna’ hai. Dono mein fark hai!”

[SCENE 3]

Ustaad: “Toh doston! Hum inka saath kaise de sakte hain?”

Jamura: “Simple hai ustaad! 3 Formula yaad rakho:”

1. “Jab tak dustbin na mile, kachra jeb (pocket) mein rakho! Road pe nahi!”

2. “Geela aur sookha kachra alag karke do, taaki unko kachre mein haath na daalnapade!”

3. “Unhe dekh kar muh mat phero, ek muskurahat aur ‘Thank You’ toh banta hai !”

Babu Bhaiya: (Emotional hoke chilka uthata hai) “Maaf karna bhai. Aaj se main kachraphelauanga nahi, aur agar kisi ko phelate dekha toh usey ‘Babu Bhaiya’ style meinsamjhaunga!”

[FINAL]

Ustaad: “Toh bolo mere saath!”

All: (Clapping in rhythm)

“Safai Mitra ka karo samman… Tabhi banega Bharat mahan!” (Clap-Clap) “Kachrakudedaan mein hi jayega… Shahar hamara muskurayega!” (Clap-Clap) “Wo safai wale nahi… Wo hamare SAATHI hain!” (Clap-Clap)

All: (Shouting) SWACHH BHARAT! SWASTH BHARAT! JAI HIND!